.
ولي عودة بالتفاصيل 
.
تحديث:
موعدي كان الصبح الساعة 7:30 ، ومن كثر ماأحاتي هذاك اليوم وعيت قبل الموعد بساعتين
وتجهزت واتصلت في أخوي يالله نروح،، سرنا الساعه 6:30 ووصلنا قبل ماتفتح البوابة 
عاد أنا من الفشلة ماتكلمت وأخوي كمل نومه بالسيارة، دخلنا لما فتحوا وطبعاً أنا واصلة قبل الموظفين
قعدت في غرفة الإنتظار بروحي ، وقضيت وقتي بالاستغفار
وكل اشوي يوصلني مسج من رفيجاتي وأنا أقرأ نصايحهم وأتوتر زيادة
بصراحة كنت خايفة .. مالي خلق أنطر شهرين ثانية
كنت واصلة قبل العالم ومن 7:30 الناس بدت تجي
ونطرنا معاهم لين 8:30 ونادوني أمتحن أنا وبنتين .. واللي يمتحنا وحدة تراقب جدام ووحدة ورى ..
أنا كان دوري الثالثة .. سميت بالرحمن وقلت دعاء ركوب السيارة وعدلت وضعي وانطلقت
ولاني الأخيرة رجعتهم للمرور وبركنت السيارة ونزلنا
والمقيّمات ولااااا كلمة
شعوري كان مثل طالب الثانوية العامة اللي ينتظر نتيجته
بعد 10 دقايق جات وعطتني الورقة وقالت ناحجة والبنتين اللي معاي هم بعد نجحوا
باركنا لبعض وسلامات من الفرحه وكأني أعرفهم من سنين
الظاهر ذاك اليوم كل اللي بالمرور عرف اني نجحت
اتصلت بالوالد والوالدة أبشرهم وأخواني ورفيجاتي
وسلامتكم
الحمدلله
على البركه
و أنتظر التفاصيل
مبروك عليك.. يا سلام عليك.. و الله فرحتيني…
في انتظار التفاصيل المملة..
أفنان: الله يبارك في حياتك .. الحمدلله افتكيت من سيارة التدريب الصفرا لسا تيس (تL)
أسامة: الله يبارك فيك ..
منيرة : وأخيرا
مبروك .. ربي يعطيك خيرها ويكفيك شرها ..
خلاص إذا جيت يمكم ما راح يفرفر بي في الديرة إلا أنتي ..
بس عسى سيارتك مريحة
منيرة: يا هلا فيك يا منيرة .. ومايهمك انتي بس شرفينا
وسيارتي (راف فور) للحين نص نص عشان اشخط فيها على كيفي
بس حبيتها سيارتي العجيبه
والبنك سألت بس للحين مالقيت جواب.. إعذريني عالتأخير
مبرووك ولو انها متأخرة :$
بس مبروووك
يلا عقبال ما يسمحون لنا هنا نسوق
هذيان: الله يبارك في حياتك حتى لو متأخرة حياك وافرح بوجودك .. وزوريني ذوم تراني كل يوم العصر اجهز لك شاي وبسكوت …